رواية انا القاتل
الجزء الرابع
الكاتبه
مي علي
رواية انا القاتل
الجزء الرابع
الكاتبه مي علي
نبدأ بسم الله
خرجت مرات جمال
من بيت سعديه علي بيتها لكن اتفاجئت
بجمال وانو رجع
البيت
واكيد طبعا بيدور عليها
ف استخبت ورا البيت اول ملقت حد جاي ناحيتها
وقال ...
مين
اتعدلت يادوب ف قعدتها
وعملت نفسها بتعيط
ف هو لف وولع كشاف الموبايل
واتخض لما لقاها كدا
وقال ...
انتي اي اللي خرجك واي اللي مقعدك كده
ولما بنادي عليكي كل ده مبترديش ليه!!!
عملت نفسها بتمسح دموعها
قال ..
انتي بتعيطي !!
- م م مش قادره انسي منظرو وهو مرمي هنا
- هو مين !!
- بدر
- هو ده اللي مزعلك
طب قومي
قومي متزعليش الاعمار بيد الله اهو راح للاحن مننا كلنا
هو وأمي
قومي متبقيش كده خليها غمه وتنزاح اوام اوام
دخلها البيت وسبها وخرج
بعد ما نبه عليها متخرجش تاني من باب البيت ف الوقت ده
وهو مش موجود
قالتلو حاضر والحكاية دخلت عليه
تاني يوم علي راح عمل اللي اتفقوا عليه
وبليل قرب المغرب شافو خارج
فبعت سعديه تقولها تجهز
وادتها جهاز تسجل بيه
وهي قالتلهم هتظبط الدنيا
وفعلا مشيت سعديه
وجهزو نفسهم لاي حاجه
وكمان كان أداها تليفون تتكلم منه اول متحس أنه جاي
فبعتت منه رساله انها بتحضرله الاكل
وبتطلب منهم يخلوهم جمب البيت
فطلع علي وكان متفق مع المديريه تبعت القوه حوالين البيت
وجت اللحظه
فتحت فيها التسجيل
وهو قاعد ياكل
وبيقول ...
يا سلام الواحد بقالو كتير مكلش لقمه حرشه كده وبروقان بال
- ومن له نفس ياكل
من غيرهم
- ليه سدت النفس بقي دي ع المسا
متفكي وتروقي كانك مش فرحانه انك خلصتي من الخدمه
- خدمه !!
ياريت كل التعب كان كده
ليك نفس بجد تاكل وتتبسط بعد ما
واستجمعت شجاعتها
وقالت ..
تموت امك بحسرتها
وتموت اخوك
ساب اللقمه من ايدو وبرق ..
وقال
انتي بتقولي اي يا مخبوله انتي
اقتل اخويا دا اي
انتي اتخبلتي ف
- اسمع أما اقولك
متخشليش م السكه دي
انا شوفت مين اللي اعتدا ع البت
وشوفتك وانت راميها ف الأرض ووانت بتضرب بدر عشان بيحوش عنها
شوفت كل دا
- انتي عبيطه انا كنت ببعدو عنها
واخدتها جوه عشان بيضربها
- انت كداب يا جمال
انا شوفتك بعيني
وبعدين احنا هنروح بعيد ليه
الفيديو اللي صورتهولك يشهد
وابقي قول الكلام ده ف المحكمه
- فيديو اي يا بت
- انت عارف بقي يا جمال
ضحك ضحكه معناها الخوف وقال ..
يابت تحبسي جوزك عشان وزه شيطان
ا ا انا مش عارف انا عملت كده ازاي
انتي كنتي فوق مشغوله ف الغسيل وانا ك ك كنت مانتي فاهمه بقي مشوفتش قدامي
- طفلللله !!!
اددد بنتك
ليه حكم ف كل شيء
وكان ليه أعظم حكمه انك خلاك مبتور مبتخلفش
يا معيوب
عرفت بقي مين اللي كان وحش يا جمال
مش بدر الغلبان اللي كنت بتحطلو الحبوب وقتلتو ظلم عشان كان بيهلفط ويفضحك
وقولت أنه بص عليا وهو مبصش
تحب افضحك دلوقتي واقول مين
- انتي عاوزه مقتل بقي
انتي عاوزه جوزها يجيب رقبتي
وبعدين قولتلك نزوه والعبيط شافها عندي وكان هيفضحنا
عوزاني اتفضحك عوزاني اتحبس واتقتل
- كان نفسي تنضف
لوست ايدك بالدم
- وكنتييييي عوزاني اعمل تيييي
كان هيفضحني يعني اللي سترو ربه
يفضحو عيل اهبل زي ده
- تقوم تقتلو
- واقتل اي حد يكشف ستري
- خلاص اقتلني
اقتلني انا كمان عشان ترتاح
- يابت افهمي احنا خلاص ارتحنا منهم هنبيع البيت والأرض
ونمشي
نروح نعيش في القاهره
والعيشه تنغنغ
- مش علي حساااب دم اخوووووك
وامممممك انت مجنون انت عيااااااااان ف نفوخك
قتلت اخوكك عشان قرفكككككك
- اسكووووتي وطي حسك للناس تسمع
- النااااس!!
خايف من الناس
وفين ربنا !!
انت حسرت قلبي علي اهلي دول كانو اهلي
وانا مش هسيبك الا لما اشوف حبل المشنقه حوالين رقبتك
قرب ناحيتها وهو بيقول بشر ...
بقي كدا !!!
طااايب
يبقي تحصليني
وجري وراها وحاول يمسكها وهي تصوط
وطبعا كان عاوز يموتها
لكن علي والبوليس دخلو قبل ميوصلها بعد ما كل حاجه اتسمعت
وعلي ما قوموها
كان هو فهم وطلع نط من ورا البيت
والبوليس وراه
فضل يجري
وهو مش شايف قدامو عاوز ينفد بجلدو بأي شكل
والبوليس وراه
لحد ما وصل لأرض كان محاوطها السلوك
نط من فوق السلك
وميعرفش أن الأرض دي ف الصحرا
حاطين عليها سلوك عشان الضباع اللي فيها متطلعش ع الناس
الراجل حارس المكان ...
وقففففففف ارررررجع
طبعا البوليس وراه
وهو مش شايف والدنيا ليل ولا عارف هو فين
ولما لقاهم وقفو من ورا السلك
بالكشفات
سمع الراجل
بيقول ...
ارجع الضباع هتكلك
وقبل ما عينه تبربش
كانو محوطينو من كل ناحيه
وطبعا صعرانين
صوت زي الستات
وحاول يهشهم
ويجري
وهما وراه
وعمال يصوووط ...
ألحقوووونييي
لاااااا مش عاوز اموت مش عاوز اموت
لكن اتكتبت عليه الموته دي وزي م نهش لحم اخوه دبحو
مات ابشع موته مكنش يتخيلها
وطبعا دا جزاء اللي زيو
ستره اتكشف بعد مات وكل الناس عرفت الحكاية
ومحدش بيتحرم عليه لانو
اللي سابو ف الخفا
خلاه ملعون ف العلن
ومش بس كدا
اللي عمل معاها خيانه
انكشفت واطلقت وخرجت من البلد بزفه
والبيت والأرض بقم ملك مرات جمال
وطلع جوز سعديه من السجن
وباع البيت واخدو ف مكان تاني في عمار
وكل الناس اتعلمت أنو مهما كان جاري ولا حبيبي مأمنش
عيني تبقي ف وسط راسي
لأن الناس ف الخفا اوحش بكتير م العلن
الا من رحم ربي
اكتر من انها قصه ف اتمني تكون فدتكم بحاجه
واللي استفاد بحاجه يقول ويفيد غيرو لأن الكومنتس بتتقري
استناكم ف قضيه جديده
ف عمق تلاتين متر تحت الارض يارب الصفحه متتقفلش بعدها
استنوني ..
مي علي
تعليقات
إرسال تعليق