انا القاتل
للكاتبه مي علي
الجزء الثالث
التفاعل لوصول الجزء الجديد
مع تحياتي ... مي علي
رواية انا القاتل
الفصل التالت
الكاتبه مي علي
تفاعل ورأيكم
نبدأ بسم الله
انهارده الجزء الاخير ف القضيه دي
ومعروف عني أن محدش يتوقعني
فقولولي ف الكومنتس
استحق اللقب ولا لا!!!
يلا بينا
سعديه لقت الورقه قدام الباب والرعب دب ف قلبها
دخلت بسرعه وقبل متقفل الباب لقت حد بيزق الباب
صوطت
علي....
اي يابت مالك في اي انتي اتخبلتي
- ادخل يا علي ادخل بسرعه
- في اي
دخلتو وقفلت الباب
وادتلو الورقه من سكات
علي ..
اي دا مين اللي كتب الورقه دي
- مش مهم مين اللي كتبها المهم اللي فيها
- لقيتيها فين بس الاول كده
- حد جه حطها قدام الباب
- والحد دا عارف ان جوزك مظلوم وهو بقي جاي عشان يقولك الحقيقه
لااا يا مامااااا دا فخ
ومش بعيد يكون عاوز يقتلك انتي كمان
- هو مين ده
- انا اش عرفني بقي بس انا مش مرتاح
- ويمكن يكون حد عارف الحقيقه وشاف اللي حصل
ومعاه دليل براءه جوزي
انا عارفه أنه ميعملهاش
- وانتي بقي طبعا عاوزه تستني عشان اجي بكره الاقيكي ميته ومرميه انتي وبنتك ورا البيت صح !!!
- لا انت هتعمل نفسك خارج وتركب التكتوك وتمشي
وبليل ترجع ولا من شاف ولا من دري علي البيت
هتبان معايا اليوم ده
لحد ما نعرف اي الحكاية
قولت اي !!
- تمام
بس بقولهالك اهو انا مش مطمن
- سيبها لله محدش بيموت غير لما يخلص اجلو
وفعلا علي نفذ اللي قالت عليه
وعدا اليوم طويل
لحد ما الشمس غابت
وهناك بعد المغرب ف المنطقه دي مفيهاش صريخ ابن يومين
جت صلاه العشا وخلصت
طبعا علي كان جوه وهي مخلتهوش يطلعلو حس
ولما الوقت اتاخر
خرج مزمزق وهو بيقولها ..
شوفتي بقي أنه كمين
ويمكن حد مراقب وعارف اني هنا
وعاوز يقتلك
- الصبر يا علي انا قلبي بيقولي أن في حاجه
فسبها ومشي
وفضلت قاعده علي اعصابها لحد ما دقت الساعه حداشر
سمعت تخبيط خفيف ع الباب
ف اتسحبت جري ع الأوضه
وهمست لعلي بصوت واطي لكن منفعل ..
الباب يا علي
بيخبط
انتفض من ع السرير
وقال ..
طب اوعي اما اقوم افتح
- لا لا
عوزاك بس تقف ورا الستاره ف الطرقه دي
لو حصل حاجه هتبقي جنبي
يلا
قام من مكانه وراح ع المطبخ جاب سكينه ووقف مطرح مقالت
فتحت الباب وكانت الصدمه
قالت ..
انتي
- دخليني بس بسرعه الله يخليكي
دخلت ووقفت قدامها وبصتلها وقالت ..
انتي اللي سبتي الورقه قدام الباب
وجوزي تعرفي منين أنه بريء ومين اللي قتل بدر
- اقعدي بس وهفهمك علي كل حاجه
بس اهدي واسمعيني قبل ما جمال ييجي انا خرجت من وراه وعارفه أنه مش راجع دلوقتي
بصت ف الأرض وقالت ..
انا عارفه أن اللي حصل مكنش شويه واللي انتو فيه بسببه كبير
- هو مين
ريحيني ومتضغطيش علي اعصابي
مين اللي قتل بدر !!
- اللي قتل بدر يبقي جمال
- ايييييي !!!
انتي بتقولي اي
انتي .. انتي مجنونه
خرج علي من ورا الستاره
- طبعا مجنونه وخرفانه
وامشي اطلعي برا من غير ولا كلمه
انتي جايه تقولي أن جوزك هو اللي قتل اخوه
بكل بجاحه كدا
من أمتي الحدايه تحدف كتاكيت
ولا طبخينها سوا
- اطبخ اي بس اسمعني انا ماليش عرض غير أن المظلوم يخرج م السجن
ويكفينا ربنا شر الظالم والمفتري
اسمع الحكاية واحكم بنفسك
انا اتجوزت جمال بنت ستاشر
انا الوسطانيه ف كوم لحم
وابونا سبنا وطفش
وبعدها عرفنا أنه مات
ف امي اتجوزت
وباعت اللي وراها واللي قدمها مكنش في غير أنها تتجوز حد يصرف عليها وعلينا
وجوز أمي وافق
وبعد ما اتجوزو طفشنا واحده ورا التانيه
ف كل بلد حته وقبض تمنا واخواتي الصبيان اللي شغال واللي منعرفلوش طريق
وعايشين ف حوق ادد كدا
ف الجواز كان اريح حاجه
وربنا كرمني بحماتي نعمه الله يرحمها
وبدر
علي ادد مهو كان كدا بس كان احن عليا من اي حد
- طب وجمال !!
- الله يوريني فيه العبره
كان أبوه لسه عايش فمكنش باين اوي
بس بينا وبين بعض كان بيدعي علي ابوه يموت
كان قلبو جاحد
ولما ابوه مات
كان سايب البيت وارض كبيره
وكان فاكر أن أبوه كاتب الحاجه بأسمو
عشان هو الكبير وبدر زي ما شوفتي
لكن الراجل كان حاسس وكتب الحاجه بأسم الوليه
مفهمتش ساعتها كان بيفكر ف اي
لكن حماتي قالتلي أنه خاف علي بدر ليعمل فيه حاجه
انما هي أمه مش هيمسها
جمال عمل حوار ادد كده
وحاول يقنعها تتنازل
لكن هي مرضتش
ف راح رهن الأرض بعقد باطن لواحد
وجه قالها أنه رهن الأرض ومسافر السعوديه يشتغل بالفلوس
كانت هتتجلط بس قالت ومالو
وراحت دارت علي كل الناس يتوسطلها هند الراجل ده يفك الرهن
ويصطبر عليها ف الفلوس شويه
الراجل رفض
بس ربنا كرمها والأرض اتفكت رهانها
قولنا بقي راح يشتغل ف السعوديه فامه قدرت ده وسكتت
شويه ورجع كان معاه فلوس
وبقي يصرف وينغنغ
قولنا الحمدلله ربنا كرمنا من وسع
وهلبس دهب وافرش بيت
يا حسره مكملتش وبيعني كل اللي اداهولي
لحد اول صدمه حد من اخواتي كان بيشتغل ف القاهره
جه قالي انا شوفت جوزك
وف الوقت ده هو كان مسافر المفروض
قولتلو انت متاكد قالي اه ووقفتو سلمت عليه
فعرفت أنه بيكدب
ولما رجع سالتو
واكتشفت أن كل ده هو مخرجش من مصر اصلا
ومعرفش بيشتغل اي ف القاهره
عملت خناقه وحماتي مكنتش فاهمه هددني بالطلاق لو اتكلمت
قولت يابت اصبري وخليكي قريبه منه وصحبتو
بقي يقولي بالك انتي لو بعنا البيت اخدك ونروح نعيش هناك
قولتلو حلو ده
قالي لو بس مكنش ربنا يفتكرها
اتعصبت ساعتها زقولتله أنت بتتمني الموت لأمك
قال مش احسن م البهدله اللي هي فيها
قولتلو طب واخوك
قالي هشوفله ملجأ ولا حته بيحطو فيها اللي زيو
قولت ف عقل بالي ده واحد بيتمني لامه الموت وأخوه عاوز يرميه
وكداب كمان
هيبقي عليا !!
علي ...
أيوه احنا مالنا بكل ده واي علاقتو بقتل بدر يعني
سعديه ..
اصبر يا علي
كملي
- انا بقولك الكلام ده عشان تعرفوا مين جمال
بدر كان غلبان وعلي الله وعمرو معمل حاجه وحشه
عليي ..
مش بدر دا اللي بص عليكي وانتي ...
- لا لا لا محصلش
منا جيالك ف الكلام اهو
في واحده هنا اكتشفت أن جمال بيخوني معاها
والست دي متجوزه
- يالهووووي
- اقسم بالله العظيم حصل
وقتها معرفتش اعمل اي ولما واجهتو كلني علقت موت ومشاني عند امي
قولتلو هفضحك
وهعمل واسوي
قالي اعلي ما فخيلك اركبيه
وانا هطلقك واخلي البلد كلها تعرف انك وسخه وبتشجعي بدر عليكي
وانا مش موجود
فضلت اصوط واعيط بس والله العظيم هو اللي كان بيعلم بدر الحاجات دي
ولما كنت أقوله حرام عليك تعمل فيه كده
كان بيقولي أنه عندو غريزه بدل ميلف حوالين نفسو كدا ومش فاهم
وقتها عرفت أنه كده كده خربانه اطلع م البيت ده لا مشكله ولا يحزنون
يومها مشيت المغرب وكانت أمه نايمه
روحت علي بيت امي قعدت يوم بليله وكانت اسود ليله ف حياتي
اخدت تقطيم وكلام من امي وجوزها
وقلتهالي صريحه بالبلدي طردتني وقالت معدتش حمل حاجه
وانتي ليكي جوز ولو فضلتي قاعده هنا هيبقي لا انا ولا انتي لينا راجل ونرجع نشحت
قالتلي استحملي وبكرا ربنا يهديه
تاني يوم مشيت وبعدين اكتشفت الموضوع وان الناس بتقول بيبص عليا وان ف الحمام
مضطردتش اسال انا عرفت اللي حصل
وعرفت كمان انه كان بيحط المنوم لامه
بس حظو لأسود لما جت
بدر كان صاحي وشاف واحده غريبه ف البيت
وهو كان لما يبقي حد غريب ف البيت يقعد يبص كدا
ويمشي وراه ف كل حته
ومش بس كده طبعا جمال كان بيفرجو علي الحاجات دي ويفهمو
وهو كان علي أده بيفهم
وشاف الموضوع وقعد يقول كلام مش مفهوم
لما شافني قالي ...
ادددوز سرير
جمال
فهمت بقي هو شاف اي
ولما جمال حس أنه هيفضحو وطبعا بيهلفط بالكلام
نزل فيه ضرب جامد صبح وليل عشان يسكت
وعشان الحجه تبقي بيبص علي مراتي وهي ف الحمام
وياريتها جت علي اد كده عرفت متأخر
انه بيحطلو حبوب منشطه
تخليه بيلف حوالين نفسو
وطبعا من اللي كان بيشوفو هو مش مميز وكان من اللي بيحصلو يقلع ف الشارع
وده كان بياكد للناس أن بدر وسخ
- لا حول ولا قوه الا بالله
- اللي حصل بقي واللي يقولك أن جوزك مظلوم
انا مشوفتش بنتك وهي بتلعب مع بدر قدام الباب
بس كنت واقفه ع السلم ساعت ما جمال شافها بره
فراح جاب حاجه من المطبخ
وشاور لبدر بيها
وحايلو وقالو اقعد هنا كلها بقي وسيب النونه دلوقتي
فبدر دخل وقعد ع الأرض دفس صوابعو فيها واتلهي
ساعتها جمال شاور للبت تاكلي حته تعالي
- بس سلمي ق
علي ..
استني يا سعديه
ايوه كده ظبطت
هي قالت إنه دخل وكانت شايفاه وهو بيقول تعالي
يبقي هي مكنتش شيفاه
- ايوه لأن بدر كان جوه
وجمال هو اللي شاور للبت تعالي العبي معاه فالبنت دخلت
لحظتها مكنتش فاهمه هو بيعمل اي اول مره يكلمها اصلا
شالها وقال تعالي اجبلك حاجه حلوه
ودخل بيها الأوضه اللي تحت
وبعد شويه سمعت البت بتعيط وصوتها اتكتم
كل ده ومحدش شايفني
جيت انزل لقيت بدر قام وفتح عليه الاوضه
فنزلت استخبيت
عشان اشوف
لقيت جمال منيم البت ع الأرض ومقلعها
وكاتم نفسها
واول مشاف بدر شخط فيه اطلع بره ياااا
لكن بدر كان بيحب بنتك وبيلعب معاها
ف دخل وفضل يزعق جمال اضرب نونه
افتركو بيضربها
وطبعا صوته عالي حاول يبعدو ويزقو لكن بدر فضل يروح ناحيتها عاوز يشدها
ويقول نونه عااالي العب
هو مش فاهم
ف جمال فضل يشتم ويزقو
فتف عليه وقالو جمال معفن
بس بطريقتو
جمال راح مديلو بالرجل وقلعو البنطلون ونزل فيه ضرب
لحد ما انتو خبطتو ف انا فتحت الباب ف اللحظه دي
واللي انتو شوفتوه أن البنت ف الأرض وبدر هو اللي قالع بس الحقيقه ان جمال هو اللي عمل كده
وهو اللي قتلو وهو اللي خطط كل حاجه واستغل أن الناس هتشهد أن جوزك اللي قتلو
و و وبس
علي ..
وانتي لما عارفه كل ده مقولتيش ليه
- خوفت يقتلني بس لما قلبي مش مطاوعني دا اللي راحو بحسرتهم كانو اغلي عليا من نفسي
- احب اقولك انك جزء من السبب بسوكاتك
سعديه...
وكانت هتعمل اي يا علي
كانت هتترمي ف الشارع
واهي جت قالت يعني الست عملت حاجه قبل فوات الاوان
- انا خوفت يقتلني كنت عاوزه حد يساعدني
ومش بس كده انا عارفه أنه هيرميني دلوقتي أمه ماتت وأخوه
والبيت واللي باقي من الأرض ليه
وانا هترمي ف الشارع
ووالله ما عارفه اعمل اي
ميرضيش ربنا
هما يموتو وهو
- وحدي الله
ده كلو مقدر ومكتوب
المهم بس دلوقتي احنا هنثبت التهمه عليه ازاي
- انا مش عارفه والله
علي ..
انا هقولك
احنا نروح نجيب إذن بالتسجيل
عشان هنعمل حركه
لو روحنا بعدها نقدمها للحكومه
هيقولو تسجيل بدون إذن باطل
انا كنت عارف الحوار من قضيه واحد صحبي
ف احنا خلينا ف الأمان
دي مهمتي انا وانا هحلها
المهم بقي اي
انتي تعملي اللي هقولك عليه
انتي هتوقعي بالكلام
وتخليه يقول
ومتخافيش هنبقي حواليكي
وهنبلغ
وهظبط كل حاجه
انتي بس اعملي دا ولو هوبلك صوطي
- وهو لو اتحبس ف البيت ليكي وانا هقف جمبك ف الأرض لحد ما يدخلك منها دخل ليكي
بس متبقيش عيله وتزعلي عليه
- مش اغلي من اللي راحو
- حلو اوي
توكلنا علي الله
وفعلا نفذت كلامو
واخدت بعضها
ورجعت ع البيت
وبصت ع الشباك حست أن في حد جوه
فعرفت أنه رجع
قالت ...
يادي المصيبه السودا
اخلص من الوقعه دي ازاي بس يارب
حست باب البيت حد جاي ناحيتو
فخافت وجريت علي ورا
واتكعبلت ووقعت ف الصوت وصلو
وقال ..
مييييين !!!
تفتكرو هتطلع من الورطه دي ازاي وهيعملو معاه اي
ونهاية واحد زي ده ممكن تبقي ازاي
انا فاتحه مجال لتوقع يلا مستنيه رايكم في كومنت
واستحق اللقب فوق ولا
تحياتي .. مي علي
حلوة اوي ..كملي ...فين الجزء الاخير
ردحذف