رواية
أنا القاتل
رواية انا القاتل كامله بجميع الأجزاء
الكاتبة مي علي
رواية
انا القاتل
الفصل الاول
بقلمي
الكاتبة مي علي
قبل منبدأ القصه دي احب اعرفكم انها قصص مختلفه وكل ما تنتهي قصه هنبدأ بالقصه اللي بعدها
وكل مره هتبقي احداث فيها حد بيتقتل
مهمتنا بقي نتفاعل مع الاحداث
ونحاول نكتشف سوا مين القاتل
* القصص ممكن تكون فيها حاجات ف المجتمع مش حلوه احنا هنتناقش ف كل ده
اتمني القصه تعجبكم ومش هوصيكم بقي ع التفاعل
وكلمه لطيفه للذكري بتشجعني اكمل
نبدأ بسم الله
قصتنا الأولي ف محافظه المنصوره
قرية كلها اراضي زراعيه
وبيوت متفرقه علي الأراضي
بحيث كل واحد ليه بيته
وقريب من بيوت تانيه بعيده عن الأراضي ف العمار
وطبعا كل الناس تعرف بعضها
ف مربع الأراضي في ست بيوت
متفرقين عن بعض
وبعاد بمسافه مش كبيره اوي
بيسكن ف البيت الاولاني نعمه ومرات ابنها عاشور اللي مسافر السعوديه
وابنها الأكبر بدر
بدر كان عنده اعاقه ذهنيه
فهو علي الرغم من أنه شاب كبير ف السن والأكبر من اخوه
ولكن الاعاقه الذهنيه بتخليه يتعامل كطفل ولكن المشاكل اللي كانت بتوجهها أمه بعد وفات ابوه كانت كبيره اوي
أما عاشور ف كان متجوز وبينزل اجازه كل سنه
ف البيت التاني سلمي وجوزها وعيلها وسلفتها وحماتها
وكانت مربيه غيت حمام فوق البيت فهي اللي كاشفه كل البيوت من بعيد
والبيتين التانين ورا بيت سلمي وكلهم جيران وحبايب
أما البيت الاخير
ف كان بعيد شويه بين بيت سلمي وبيت الست نعمه
بتبدأ الحكاية ف اليوم دا بفرح وزفه
لعروسه دخلتها ف نفس اليوم اللي رجع فيه عاشور من السفر
كانت البنت اسمها سعديه والعريس جمال
وكان واخد البيت عن ابوه وقرر يتجوز ف البيت ده بعيد عن أمه وأخواته
تم الفرح علي خير وعدا شهر واتنين
وطبعا جمال نزل شغلو
وسعديه بدأت تتعرف علي جيرانها
وتجيب طير وتربيه وتعيش الحياه العاديه جدا
وكانت متعوده كل يوم خميس بعد ما نزل جمال الشغل تاخد بعضها وتنزل بعد متفطرو يجي اخوها بتكتوك ياخدها تقضي اليوم مع امها
نزل جمال وخلصت حاجاتها ولبست ونزلت
وطبعا كانت اتعودت علي دوشت العيال اللي في العاده كانو بيجرو ورا بدر ويحدفوه بالطوب
لحد ما امو تخرج تاخدو وتشخط فيهم
نزلت سعديه وبتقفل الباب وشايفه العيال
بيلعبو بعيد وبيأذوه وبيهوشوه بالطوبه
فشخطت فيهم ...
بس يا واد انت وهو ابعدو عنو سبوه ف حالو حرام عليكو
ف العيال بعدو عنو شويه
ابتسمت سعديه لما بصلها وكانت عرفت أنه علي الله
اخوها اتاخر عليها خمس دقايق وهي واقفه كده
وافتكرت انها مقفلتش انبوبه الفرن فقالت أما تدخل تقفلها بالمره
وكانت أنبوبة الفرن ف اوضه بتطل علي مدخل
غير الشقه اللي كانت ف تاني دور
ردت الباب ودخلت بس مقفلتوش
راحت قفلت محبس الانبوبه
وسمعت صوت البوابه بيتفتح
فقالت إنه اخوها هو اللي داخل
فقالت ..
اي يا علي انت جيت
وهي خارجه من اوضه الفرن بتبرطم ...
انت كل مره تيجي تاخدني متأخر ك
وسكتت من برطمتها وانسحبت من علي وشها كل معالم الابتسامه
ورجعت ابتسمت تاني وهي بتقول ...
اي يا بدر
عاوز اي
باصللها وساكت ..
قالت ..
انت زقيت البوابه ودخلت
وضحكت
وقالتلو ..
مالك واقف كدا ليه انت جعان ولا العيال ضربوك !!
بصلها بدر بعفوية وقال ..
أروساااا أروساااا فرح
لو لو لي لي لي
ضحكت وقالت ..
اه انت عارف ان انا عروسه وبتظغرط كمان
طب يا سيدتي عقبال مفرح بيك وظغرطلك لي لي لي لما تتجوز
ونقيلك عروسه حلوه
طبعا هي كانت بتضحك علي اعتبار منها أنه عقله عقل طفل عنده سنتين
قرب ناحيتها خطوه وهو بيقول ...
اروووووسا ألواااا انا دووووووز
اناااا
وهي عماله تضحك عليه وهو بيقول كده وهو بيتكلم
لكنه فاجأها وقال ...
جووووز أروسااا ألوووا انتي
ولقيته بيخلع بنطلونه
صرخت ف وشه ...
يا متخلف انت بتعمل ايييييي يالهوووووواي ألحقونيييييي
ف لحظه كان واقف زي مولدته امه من غير بنطلون
فهي جريت علي اوضه الفرن وهي بتصرخ وتصوط
وطبعا هو ربنا مديله صحه
ف عمال يجري وراها ويلاحقها
وهي من الصدمه والخوف أن ازاي ده يعمل كده بقا قلبها هيقف
وهو عمال يضحك ويقول ...
أرووووساااا عاااالي داوووز
عاااالي
وعمال يشاورلها تعالي
ويجري وراها راحت بطحاه ف نفوخه بقطاعه خشب كانت متعلقه
فوقع ف الأرض وهي طبعا خرجت تجري زي المجنونه علي بره واتصدمت ف اخوها بيركن التكتوك
وطبعا اول مشاف وشها كدا الرعب مسكو وحاول يفهم منها اي حاجه لكن من العياط معرفتش تتكلم
فقال بخوف ...
يابنتي فيه اي استهدي بالله مالك حصلك اي
جوزك ضربك ولا عملولك اي
طب تعالي نخش جوا
- للاااااااااااااااااااااااااا
- يا بت فييييه اي
نعمه كانت خرجت تدور عليه ووقفت تسألهم ...
يا سعديه مشوفتيش بدر
رقعت بالصوت ف وش الست ...
يالااااااهوووووووي يخراااابي ابنك دخللللل عليا البيت وقلع هدوووومه
الست مبنش علي وشها الصدمه
وقالتلها ...
عملك حاجه
اخوها ...
انتي بتقولي اي يا بت
- دخل عليا والله وبطحتوووو ومرمي جوا ع الأرض قالع
الام ...
ابنييي
طبعا الدم فار ف عروق اخوها
وسعديه من الصدمه بتهرتل
والست خايفه علي ابنها
دخلو كلهم لقوه قالع هدومه لسه وقاعد ف نص الاوضه وماسك طبق صنيه بسبوسه كانت ع الرخامه
وقاعد ف الأرض دافس صوابعه العشره فيهم
ونازل لهط
الام ...
يخربيتك انت قاعد بتطفح
قووم با مفضوح
عمال يضحك بسذاجه لانه فعلا معندوش عقل وعمال يبصلها وياكل ويقولها ..
بووووووسه انا اتل بوووووسه
الاخ راح ناحيتو ومسكو من قفاه وكان عاوز يضربه
لكن جريت نعمه عليه ...
ابوس ايدك يابني متضربه هو مش فاهم ولا عارف حاجه
هتضرب واحد ضعيف ده عقلو ضايع يابني ابوس ايدك سيبه
- اسيبوووو ايييي ولما انتي عارفه أن هو كدددا سيباه لييييه دا يتحبس داااااا
- يابني حبستو وعملت فيه كل حاجه
بس هو عاوز يخرج لو اتحبس هيموت
هو ذنبو يابني أن ربنا خلقو كده
- خلقوووو ايييي يلقع هدومه ويعمل اللي عملو دا فاهم كل حاجه يا وليه متجننينيش عليكي
- والله يابني ميعرف حاجه ولا اعرف بيعمل كدا من فين لما اخوه يجي انهارده هخليه يشوف صرفه معاه
سيبو يابني اتكلم مع اللي عندو عقل انما ده مش فاهم حاجه
سعديه بتمسح دموعها ...
خلاص سيبو يخرج سيبو
خدي ابنك وامشي
اخدت فعلا ابنها وفضلت تشد فيه عشان يسيب البسبوسه
وف الاخر مشي واخد الصنيه معاه
طبعا لما جوزها عرف بهدلها وقالها الحق عليكي
ومرمط بيها الأرض
ولما جه اخوه بليل أمه حكتلو
وصتو كان مسمع كل البيوت وهو عمال يشخط ...
ابنننننك ده ميخرجشششششس ده وسخ
بيلقع للعيال ف الشارع انتي عاوزه تفضحينا مش كفاية قفشناه بيبص علي مراتي انتي عاوزه اييييي
اموتهولك ونرتاح
والله اموتهولك
وسمعو وهو بيضربوو والتاني عمال يصوت
فجمال رغم ده صعب عليه ودخل تاني ..
لا حول ولا قوه الا بالله
- في اي !!
- نازلين في ضرب
- يستاهل
انا مش عارفه ده يعرف الحاجات دي منين معندوش عقل
- اه بس عندو غريزه
بس الغريزه دي متربتش فيه لوحدها
مهو يحد بيوريه يهو بيشوف
- تلاقي بيتصنت ويتسحب ويتفرج
انت مشوفتوش دخل ازاي
انا محستش بيه
- مخلاااص بقي انتي بتعصبيني تاني اقفلي الكلام علي كده
تاني يوم الصبح جه عاشور اعتزرلهم ونهو الموضوع
ومن ساعتها وهي ف حالها
لحد ما اتكرر للموضوع تاني وسط العيال وهما بيحدفوه بالطوب وقلعلهم الهدوم
وحصل نفس اللي حصل
وامه بردو اللي عليها هوديه فين
بس سعديه مبقتش بتهتم باللي بيحصل
اتعودت علي كده
يحبسوه شويه ويخرجوه
ويحصل حاجه ويعيدو تاني ويصبحو بعلقه ويمسوه بعلقه
وهو مش فاهم حاجه
لحد ما سعديه حملت وولدت
وعدت الشهور
وجابت بنت وكبرت
لحد ما بقي عندها تلت سنين
وف التلت سنين دول كانت سعديه محافظه عليها متخرجش
ولما بتخرج تلعب مع العيال سعديه بتبقي قاعده بره وعينها عليها
وتبعدها تماما عن بدر ده
ولما كان بيجي يلعب معاهم
ويقولها...
نونه ألعبببببب
كان دائما صوته عالي ف كانت بتخاف منه وتروح مدخلاها
لحد ما فيوم كانت بتغسل ف البيت وتنشر وشايفها بتلعب جنبها باللعب
وبتخرج ف فسحه تنشر والفسحه ليها سلم بيحود علي الارض
ف البنت سهتها وخرجت
خلصت نشير وغسيل وهي متخايله بيها انها لسه قاعده وبتلعب باعتبار أن البوابه مقفوله هتخرج منين
شويه وكان عدا شوية وقت
فخرجت علي صرخه واحده ولقت عروسه البنت ع السلم
بس البنت ملهاش اثر... الجزء الثاني هنا
تفتكرو حصلها ايي البنت تفاعل ولو عجبتكم يلا رايكم عشان ننزل الجديد
الكاتبه مي علي
حلوةجدا رواية انا القاتل
ردحذف