رواية
انا القاتل
للكاتبة مي علي
الجزء الثاني
تفاعل ليصل الجزء الثالث
رواية انا القاتل
الجزء الثاني
الكاتبة مي علي
كومنت حلو بيخلي الواحد يكتب اكتر عاوزه رايكم
نبدأ بسم الله
خرجت سعديه ملقتش البنت
طلعت تجري زي المجنونه
وهي بتصرخ بصوت مكتوم
...بنتي
والنبي يارب بنتي
طب هتكون راحت فين
طبعا ممكن يكون حد خدها
فضلت تلف حوالين نفسها
والوقت ده كان المكان هادي
وبعد متقطع نفسها
سمعت صوتها وهي عماله تضحك جامد
الصوت جاي من عند بيت نعمه
راحت علي هناك لقته قاعد ف الأرض
وامه وخداها علي حجرها
وعماله تقوله
دي اسمها نونه
وهو يردد وراها
ويضحك جامد
سمعتها وهي بتقولها ...
اهو دا اغلب خلق الله
كل الدنيا بتاذيه وتنهش ف لحمو
وانا هو قاعدين ضيوف ملناش الا بعض
البنت طبعا بتبصلها ومش فاهمه
بس الست كانت بتعمل نوع من الفضفضه الصامته
وكان معاه كيس حاجه حلوه
ف ادهولها
خرجت سعديه من ورا البيت
من غير ولا كلمه
نعمه اتنفضت ونزلت البنت من علي رجلها وقالت ...
واللي احنا لقينها داخله علينا وكنت هجبهالك و
- محصلش حاجه هي سهتني وخرجت
الحمدلله أن محصلهاش حاجه
- ربنا يخليهالك يارب
ويحفظها
- يارب
بصت علي بدر وهو قاعد ع الأرض ماسك كوره شراب
بيلعب بيها
بصتلو بحسره ولعيون الست المكسوره وابتسمت وقالت ..
كتر خيرك انك خليتي بالك منها
فتكو بعافية
فقام بدر جري عليها وقال ...
نووونه عاللللي ألعب
نعمه ..
معلش اصل محدش بيلعب معاه
فهو كان قاعد يلعب معاها بالكوره
قالت ..
ابقي تعالي العب معاها عند البيت يا بدر
هو طبعا مش فاهم
الست ..
الله يجبر بخاطرك يا بنتي بس خليه بعيد احسن
يلا يا بدر هات الشراب ويلا ندخل
- نوووونه
- النونه لازم تمشي بقي
بصتلو سعديه بشفقه
واخدت بنتها ومشيت
تاني يوم
خرجت بالبنت تلعب قدام البيت
وكانت هي قاعده عينها عليها وهي بتتكلم مع واحده جارتها
وبعد ما جارتها مشيت سابتها قاعده ف الهوا
وعينها عليها جامد
لحد ما لقت بدر جاي وهو بيقول ..
نووووونه
فخافت عليها وكانت قايمه تقومها
بس لقت العيال جايين يجرو وراه ويحدغوه بالطوب وعملو حواليه دايره وهو بيحاول يهوش عشان يبعدهم
وهو كان اتعلم زي الاطفال يتف علي اللي مدايقه
والعياال مش ساكتين
لحد ما عيل من بعيد قالهم وسعو يا عيال
وراح حدفو بطوبه جامده ف دماغو
والعيال طلعت تجري
قامت سعديه بعد ما اتحرق دمها م اللي العيال بيعملوه
وطلعت تجري وراهم وهي بتقول ..
منك لله يا بعيد انت وهو
امشي يا ولااااا منك ليه وحس حد فيكو يقرب منه تاني
طااااايب انا عارفه أمك ياض وهقولها
كان هو وقع ع الأرض
ماسك كيس بوظه والكوره الشراب بتعتو
حاضنهم جامد
ف جت قربت منه
كان حاطتت ايدو علي راسو وهو بيقول ...
طوباااا راااااسي
عوررر
كان بيقولهم متقطعين
فقالتلو معلش يا بدر قوم قوم روح لامك تغسلهالك
واللي يضربك اضربو
معلش قوم
نزل ايدو وبص ف الأرض وهو ماسك الكوره عمال يبصلها
لحد ما جت البنت الصغيره وقفت جمب مامتها
فرفع عينه لقيت دموع علي وشه
فعرفت ادد اي موجوع وكأن كان عندها فكره ف دماغها أنهم مش بيحسو زينا
بس طلع بيحس
بصتلو كدا ف حكمه ربنا أنه شاب ولكن نعمه العقل متاخده منه
بس رغم ده هي محستش أنه وحش
لقتو ضحك ضحكه طفوليه ومسح دموعه ولحوس وشو كلو
وبص وقال ...
نوووونا ألعبببب
ف البنت ادتلو العروسه اللي كانت ف أيدها
ف تنح شويه
ورما الكوره وكيس البوزو واخد العروسه منها
وقام
فضل يقلب فيها شويه
وسابهم ومشي وهو عمال يقول ...
أروسااا ألوااا
اخدت هي بنتها ومشيت
وبعد كام يوم وهما قاعدين يتعشو
قالت لجوزها ..
بدر ده غريب اوي
- مالو عملك اي تاني
- لا لا معملش
بس الاطفال احباب الله وبنتك متلعبش مع حد الا هو وقيمت مره كده اشدها ابدا هي عاوزه تلعب معاه
وسابتلو العروسه بتاعتها اللي كنت لو خدتها منها تصوط
سبحان الله
- بصي هو بركه
بس الله اعلم هو بيعمل كده
ليه
يمكن بيشوف حاجه ولا حد من العيال بيفرجو علي حاجه
انا سمعت أنه كان بيبص علي مرات اخوه وهو مسافر وهي ف الحمام
- والله اخوه ده مفتري ده بيضربو كل علقه وعلقه
- خايف عليه
انتي فاكره أن شيلت واحد زي ده سهله
ده كفايه المشاكل اللي بيعملهالو
والراجل ف حالو عاوز يعيش مستور
لا مشاكل ولا يحزنون
وعالم علي الله
الراجل يسافر يتعب ويشقي
وف الاخر يرجع عشان يرتاح قيمه شهر ولا اتنين زي الحمار المربوط ف ساقيه
يرجع كمان يلاقي فضايح
طب انا ربنا ستر
افرضي بقي عمل حاجه ف حد ولا حاجه
ولا راح مع حد ولا حد موته وتواه بسبب عمايلو
مش هيقول مش فاهم ولا مش عارف بقي
- بس هو فعلا لا فاهم ولا عارف
- الله اعلم بقي انتي شاغله بالك ليه
- بيصعب عليا بس
- ربنا يتولاه برحمتو بقي
والبت لو بتلعب معاه ابعديها عنو وخلي عينك عليها
- لا ياخويا متقلقش انا مبسبهاش لحظه
- الله ينور
قومي بقي اعمليلي كوباية شاي
خلص الكلام ف اليوم ده علي كده
وتاني يوم لقته جاي عاوز يلعب معاها فسبتو
بس عينها كانت عليها
وكأنها مخلغه عيلين
وجت أمه تشوفه
فجرت معاها كلام
ووصلت لنقطه ازاي يبص علي مراتو من باب الحمام
فقالت لها انها ساعتها اخدت كوباية الشاي وغفلت كدا قيمت حبه
وصحيت لقت بدر بيصوط وأخوه نازل فيه ضرب ومراتو طفشت م البيت قعدت اسبوع عند اهلها ولا أكتر
عشان كان بيبص عليها
وانا سكت ع الموضوع عشان مفكرهاش
بس هو عمل كده لي ولا ازاي والله يا بنتي معرف
العيال بيضربوه زي مانتي شايفه يعني مبسبش حد معاه
وهو لوحدو لو قاعد جوه بياكل
أو بيلعب أو بيحب يخش ف الميه بهدومه
ويبهدلني
يابنتي ده علي الله وملوش ف الدنيا غيري وجمال زهق منو
بس والله حنين عليه هو بس مش عارف يعمل معاه اي
وحامل همي انا ست كبيره اغيرلو وانضفو
وانتي شايفاه عامل ازاي
بس اقولك الحمد لله علي كل حال
هو ده اللي أن شاء اللي يعديني للجنه
ده بركه
ورزقو واسع
اه والله من يوم متولد لحد دلوقتي
ده بركه البيت
وقلبي متعلق بقلبو
اول فرحتي يا بنتي
سعديه طبطبت عليها زقالتلها كله هيتعدل
عيطت نعمه وقالت ...
مينفعش ف الدنيا دي
انا كل خوفي ربنا يفتكرني
هسيبو لمين
مفيش ام تدعي علي ضناها
بس انا بدعي ربنا ميطولش علينا ف الدنيا
ونروح له سوا
- استهدي بالله ربنا يديكي الصحه ويخليكي ليه
وبعدين ربنا موجود
وقادر علي كل شيء مش ناسيه وحاشا أنه ينسي
استهدي بالله
- ونعم بالله يا بنتي
ومن اليوم ده وهما أصحاب
وبدر بقي يلعب وياكل معاهم
ومشفتش فيه القرف اللي حصل ده
ولا حتي كان بيفكر ولا عمل تصرف
بقت عينها عليها
لكن عدا وقت ع الحال ده لحد ما هي اتطمنت
بس اطمئنانها ده
سبب كارثه
ف يوم وكان عندها شغل متلتل ف البيت ومرات اخوها وامها عندها
وبنتها عوزاها تفتحلها الباب عشان تروح تلعب مع بدر بس من الهيصه والكركبه
شدتها واديتها لعبه
وحاولت تسهيها
وكان بدر يجي ينادي عليها
فهي ردت عليه وقالتلو شويه وهنخرج كلنا
فهو مشي
وطبعا ولاد اخوها عاوزين يلعبو
ف دي شبطت فيهم
ف طلعتها وقالتلهم خلو بالكو منها
اوعو تسبوها
علي اعتبار أنهم كبار شويه
لكن العيال خدو بعضهم وراحو يجيبو ايس كريم فهيعدو الطريق لناحيه التانيه وفكرو انها لو ملقتهمش هتدخل
بس البنت مدخلتش
وراحت علي بيت بدر
وكان قاعد قدام الباب
وعدت حوالي نص ساعه والعيال رجعو
فملقتش البنت ف وسطيهم
سألت ابن اخوها عليها قالها اللي حصل
فخرجت جري تدور عليها
وتسأل الناس
وملقتهاش قصاد بيت بدر ولا شافتو برا
طب البت راحت فين
سلمي جارتهم حست أن في حاجه
سألتها ..
مالك ياختي كفالله الشر
- بنتي
بنتي مش لقياها
- بنتك
كنت شيفاها بتلعب مع بدر
قدام باب البيت
ودخلت بعدها معاه
- يا نصيبتي السودا
وجريت ع البيت
فسمعت صوت بدر بيصوط وأخوه
نازل فيه ضرب
خبطت جامد ع الباب
وفضلت ترزع ففتحت
مرات جمال
وهي مخضوضه
وقتها ودخلت هي وامها ومراتات اخواتها ع البيت
لقت بدر قالع البنطلون
وجمال نازل فيه ضرب
والبت متقطع هدومها
وامهم نازله من الفزعه مش فاهمه حاجه
سعديه شافت بنتها بالمنظر ده رفعت بالصوت ..
كلمييييي علي ياماااااااا
بنتييييييي
طبعا الوضع مكنش يطمن
والكل فهم هو عمل اي
خدت بنتها علي المستشفي
وامها اتصلت بجوزها واخواتها يجو يشوفو هيعملو اي
تقرير الكشف قال إن في كدمات وخدوش ف المنطقه دي
وكانت محاوله هتك عرض
لكن فشلت
بس البنت المنطقه دي اترضتت شويه من المحاوله دي
ومحتاجين يعملو اللازم
لما ابوها سمع الكلام ده
طلع جري
علي بيت بدر
والناس اتلمت وحاولوا يحوشوه
لانه عارف أنه مش هيتحبس لانه ذو اعاقه مش فاهم زيه زي المجنون
فراح وقدام كل الناس حلف أنه هيقتلو ويدفنو
ويبقي حد يحاسبو
الناس طبعا هدوه ومشوه
لكن الاب كان حقو وقتها ينتقم من اللي حصل ف بنتو
عدا اسبوع والحمد لله كانت جت سليمه والبنت اتعافت
ورجعت البيت
البلد هوس هوس وبعد الحادثه دي كلو لم عيالو
وقفل بابو عليه
حتي بدر وجمال ونعمه متشفش ليهم أثر
وكان أبو البنت عاوز يشفي غليله وكل ما حد يتكلم ف الموضوع يهدد بالقتل
واول ما شاف جمال مسك ف خناقو وكرر تاني تهديده بالقتل
لكن جمال ساعتها وقف وقالو ابقي قربلو
طبيعي يخاف علي اخوه المعاق
ولانو مش فاهم حاجه
ف هو مش عارف يعمل اي
وقعد أبو البنت كل يوم بليل يخرج متأخر
ويرجع وش الصبح ودي مش من عادته
وسعديه اقترحت عليه يعزلو من البيت
لكن هو كانت كل متتكلم معاه يزعق
لدرجه انه مره ضربها
وهي قدرت ومعملتش مشكله وعدت اللي حصل لانها عارفه أنه زعلان علي البنت اللي كانت هضيع
مش متخيل ان واحد زي ده
يضيع طفله عندها تلت سنين ونص ولا اربعه
كانت كل يوم تقول يارب استر ميرجعش بمصيبه
بالذات لما لاحظت أن في سكينه من سكاكين البيت ناقصه
لحد اليوم ده
خرج ورجع الصبح كالعاده
واول ما شافتو حاولت تتكلم زي كل يوم بس هو زعقلها
وقبل حتي ميغير هدومه
سمعو صوت صوييييط جامد غطا علي البلد كلها
صوت مين دا ...
نعمه علي صرخه واحده بتصوط
والناس كلها اتلمت
في اي يا جدعان
بدر سايح ف دمو
ف الفسحه اللي ف ضهر البيت
ومش بس كده ده اللي قتلو دبحو
وكان فاضل سنه بسيطه ويفصل الراس عن الجسم
كل اهل البلد عرفو أن جوز سعديه هو اللي عملها
ساعتها اول مسمع الخبر
كان عاوز يهرب لما لقاهم جايين يجرو علي البيت
سعديه بقت تصرخ
مستحيل لاااااا مستحيل
الناس مسكوه وجمال نزل فيه ضرب
واخدوه علي الاسم
وطبعا جوه الاسم محدش عارف اي حصل
بس كل الناس شهدت باللي شافتو والتهديد اللي هددو ومش تهديدو هو بس ده اتهمو علي اخوها كمان بانو شريكخ لان علي كمان هدد مره انه هيقتلو بسبب اللي عملو وبعدها علي سكت
وبكده
القضية لبساه قتل مع سبق الاصرار والترصد
بعد الموضوع ده بيومين
اخد جمال عزا اخوه
وامه ف نفس الوقت اللي ماتت بحسرتها علي ابنها
وجمال اتكسر ضهرو وكان ماشي وسط الناس يعيط زي العيال
وكل الناس بيتدعي ربنا يصبرو علي اللي حصل
أما سعديه فكانت حاسه انها ف كابوس
ومش عارفه تصحي منه
جوزها هيتعدم وهي وبنتها هيترمو ف الشارع
لأن امو قالتلها انتي قدم الفقر علينا
والبت هتتيتم
ف علي اخوها
قرر يخليها تلم حاجاتها قبل ما يرموها بره
ويوديها علي بيت ابوها وبعد عناد كتير وافقت
وقالتلو هروح الم حاجتي انا وبنتي وع المغربيه تعالي خدنا
ورجعت سعديه ع البيت ومبقتش مستوعبه اللي حصل
بدر مات
وامه كمان
وبنتها كانت هتضيع
وجوزها راح
وبتها اتخرب
وحملت الذنب عليها هي عشان كانت مستهتره
وهي قاعده سرحانه كده والشمس كانت قربت تغيب
ودموعها علي خدها
الباب خبط خبطتين
فقامت مفزوعه من سرحانها وقالت
مين
ومحدش رد
ف فتحت الباب براحه
وخرجت تبص ملقتش حد
ف استغربت اللي حصل
بس وهي داخله
خبطت رجلها ف طوبه تحت رجليها
وتحت الطوبه
ورقه صغيره مكتوب فيها ...
مش جوزك اللي قتل بدر
جوزك مظلوم
استني ف بيتك متمشيش وبكره العشا هتفهمي كل حاجه ...
يا تري مين اللي ساب الورقه قدام الباب
ومين اللي قتل بدر
من القاتل يلا فكرو ومستنيه بقي نهايات للقصه وتفكير الجزء التالت هنا
يتبع.. الكاتبه مي علي
الي قتله يطلع اخوه
ردحذفاللي قتله أخوه جمال اكيد لقاه بيبص علي مراته فقتله
ردحذف