رواية زوجة لها ماضي الفصل العشرين والأخير

عمرو مش فاهم 

بيحاول يدافع عن نفسه 

كلو علقة سخنه 

وسابو مرمي ع الأرض ووقف عند الباب وقال ...

من انهارده مش عاوز اشوف خلقتك وتنسي انك ليك ابن خالة اسمه مصري اقسم بالله لو ظهرت ف خلقتي لهدفنك حي 

وجرب 

خرج ورزع الباب وراه 

مقدرش عمرو يفهم اي حاجه خالص 

قام ع الحمام غسل وشه ومسك تليفونه فتحه 

وهو شبه مش شايف عشان عينه كعبرت 

اول ما فتحه 

لقي نور بترن عليه وهي بتعيط 

وقالتله أنهم ف المستشفي 

جري بمنظره دي ع المستشفي 

اول ما دخل اتخضت وجريت عليه 

سألها طبعا اي اللي حصل قالت متعرفش 

وحكتله أنها راحت قعدت معاها دقايق ومشيت ويادوبك وصلت البيت وساعه ولقيت الباب بيخبط فتحت لقيتها مضربوه وفستانها متقطع  

واغمي عليها 

جريت علي تحت لقيتها جايه مع الراجل بتاع التاكس خليته ياخودنا ع المستشفي 

وهي لسه جوه 

هو اي اللي حصل 

- مصري 

اكيد عرف حاجه 

بس ازاي بس 

هو ممكن الواد يكون عمل حسابه يبعنا لو غدرنا بيه 

- قصدك اي بعرف 

- انا لازم اقوم 

- هتروح فين وتسيبني 

- انا مش عارف 

خرج الدكتور 

جريو عليه 

وسألوه عنها قال..

 كويسه والبيبي الحمد لله كويس 

نور ...

بيبي اي 

- المدام حامل ف شهر ونص تقريبا 

دلوقتي انا عاوز اعرف اي اللي عمل فيها كده 

عمرو ..

مشكله ف البيت 

- ده اعتداء بالضرب 

إلحاق الضرر يعني لازم نبلغ البوليس 

- مفيش داعي حضرتك الموضوع هيخلص متقلقش 

- تمام انا بقول لحضرتك اللي لازم يحصل وحضرتك اعمل اللي شايفه صح 

- نقدر نشوفها 

- اه اتفضل 

بس بلاش تخليها يحصلها اي انفعال 

- مفهوم يا دكتور 

ودخلو وحاولو يفهمو منها براحه 

اتكلمت بصعوبه 

وحكتله اللي حصل وأنه طلقها  

وانهارت ف اضطرو يدولها حقنه مهدئه 

فضلو معاها لحد ما خرجت من المستشفي 

وروحوها علي بيت نور 

وقعدت تراعيها 

أما عمرو حاول يوصل بأي شكل لمصري 

لكنه مانع دخوله الشركه ومبيروحش البيت 

وكسر الخط 

حتي أمه مش عارفه توصله 

اسبوعين علي ما قدرت تتعافي قمر 

وتفوق 

وعمرو لسه بيحاول يوصل لمصري 

اللي سافر ومحدش يعرف عنه حاجه ولا هو فين ولا بيعمل اي 

لحد ما عمرو كان قاعد معاهم ف البيت وبيحاول يطمنهم 

وأنه طلب يقابل الواد وهيدولو تصريح يقابله 

واكيد هيعرف منه مصري عرف ازاي 

نور ..

مش مهم عرف ازاي المصيبه أنه عرف وكل حاجه راحت 

- لا إن شاء الله مفيش حاجه راحت لازم نقدره 

هو بس يسمعني وكل حاجه هتتصلح بأذن الله 

- يارب يا عمرو 

أنا فعلا مش قادره استحمل اشوفها كده 

- خليكي جنبها أنتي ومامتك بس 

ربنا يعينها علي اللي هيا فيه 

ويعينك 

...يعينا كلنا 

جاله تليفون 

بص بأستغراب 

نور .. 

اي مين 

- خالتو صفيه 

- ودي من أمتي بتكلمك دي 

- مش عارف استني أما ارد 

- الو 

- اي يا عموره يا حبيبي عامل أي 

- الحمدلله يا خالتو انتي عامله اي 

- انا كويسه يا وحش 

بقي كده متسألش علي خالتك 

- معلش يا خالتي كنت مشغول اوي الايام اللي فاتت 

- ربنا يعينك يا حبيبي 

المهم مراتك عامله اي 

- الحمد لله 

- يدوم الحمد 

أنا بقي عاوزاك تلبس اشيك بدله عندك وتيجي تنورني انت ومراتك السكره 

ف فرح ماهي 

- اي ده ماهي هتتجوز 

- اه يا حبيبي هو كل حاجه جت بسرعه بس هي قرفتها عسل 

- الف الف مبروك يا خالتو ربنا يتمملها علي خير يارب 

- طب مش تعرف مين العريس 

- مين ؟ حد نعرفه !! 

- عز المعرفه مصري ابن خالتك 

- ايييييه 

- مالك اتخضيت ليه 

مصري ابن خالتك جه وطلب أيدها مني ومستعجل اوي وحدد معاد الفرح وكله 

وهياخدها ويسافر 

انت معرفتش أنه طلق مراته ولا اي 

هنا فهم عمرو هي مكلماه ليه 

قال ...

وانتي بتتكلمي عشان تعرفيني أنه طلقها ولا عشان تعزميني ع الفرح 

- اعزمك علي الفرح طبعا 

- إن شاء الله مش هيبقي في فرح ولا حاجه 

اللي متعرفيهوش بقي أنه بيحبها اوي 

حتي لو في بينهم زعل هيرجعلها بردو 

- ههه زعل اي يا حبيبي طب انت بتقبل عادي 

هو مبيقبلش وهي دي حاجه تتقبل اصلا 

- تتقبل متتقبلش كل واحد حر ف مراته 

وبنتك عمرها مهتكون مراته ولو بقت يكفيها أنها هتبقي عارفه انها سد خانه 

وأنه هيكون فعلا ظلم نفسه جدا 

وده انا بقولهولك بأمانه كلمتين كانو واقفين ف زوري من زمان 

مبروك علي الفرح اللي اوعدك أنه مش هيتم 

وقفل السكه ف وشها 

نور بصتله وقالت ...

في اي وفرح مين 

- انا لازم اروحله اتكلم معاه ده خط خطوه يتجوز ماهي قرر ينتقم ويدمر نفسه 

- يتجوززز مين 

عمرو اسمع اما اقولك انا هروح انزل البيبي ده 

هو راح يشوف حياته انا اختي مش هسمح تضيع مني تاني 

- بلاش الكلام ده ارجوكي انا نازل دلوقتي 

ونزل فعلا راح ع الشركه حاول يدخل لكن الأمن منعوه 

فضل واقف مستنيه يخرج 

لكن رفض تماما يوقفله مانع اي كلام معاه 

عمرو تلت ايام بيحاول 

لكن مفيش فايده مبقاش بيروح الشركه 

ووقف حراس ع البيت 

سابله رسائل مع امه بيطلب أنه يكلمه 

لكن بردو مفيش فايده 

وفي يوم كان في تجمع عائلي ف البيت 

استغل عمرو ده وراح لانه كان عارف أنه هيروح 

وكلهم كانو موجودين حتي ماهي وامها 

كان فاضل ع الفرح اسبوع 

طلب من ام مصري ترن عليه يطلع اول ما مصري يجي 

وفعلا ده اللي حصل 

واول ما دخل عمرو كله سكت 

مسلمش علي حد 

وراح وقف ف وش مصري اللي اول ما شافه زقه جامد وقاله ...

انت اي اللي جابك انا مش قولتلك لو شوفت وشك تاني هدفنك حي 

الام ..

اهدو يا ولاد مالكو في اي 

عمرو ..

أنا عاوز اتكلم معاك بس هشرحلك كل حاجه 

- تشرحلي !!! 

لا لا خليني انا اشرحلك وقدام العيله كلها عشان نقفل الموضوع ده تماما لانه اتقفل عندي 

وقدم شويه ووقف وسط العيله وقال ...

احب اعرفكم  يا جماعه 

عمرو اخويا 

عشره سنيني 

اخويا اللي بيحبلي الخير اللي جوزني لواحده عارف ماضيها الوسخ عارف انها مش بنت 

وأنها متلزقه عشان بس تتجوز 

وبقت المدام اللي شايله اسمي وسمعتي 

اخويا اللي معملش حساب لاي حاجه للي بنا 

معملش حساب لموقفي وانا بشوف فيديو لمراتي بمنظر زي ده ايا كان اي اللي بيحصل 

معملش حساب لسمعتي 

لصدمتي 

مفكرش حتي يقولي يمكن كنت اقبل واسامح ايا كان اللي حصل 

لكن وافق بكل بساطه يلبسني العمه والقرون 

فكرني زيه هعيش واتقبل واكون عادي زي ما هو عمل مع مر....

عمرو بغضب ...

خلاص اخرس خالص 

اخرس 

يا خساره يا ألف خساره 

وأخد عمرو بعضه وخرج 

ولأول مره يبكي 

وفضل يشكي لربنا كل اللي جواه 

أما مصري خرج يجري مش عارف يروح علي فين 

والعيله مصدومه من اللي سمعته 

عمرو وهو مروح جاله تليفون أنه اتسمحله بزياره مع مصطفي 

بكره الساعه ٨ونص صباحا 

روح ونام من كتر الهم 

وصحي عشان يروح 

ودخل للواد 

اول ما شافه قال ...

جاي عايز اي 

- في قضيه جديده متستفالك قمر اتطلقت 

والقضية القديمه هتتفتح من جديد وال ١٠ سنين هيبقو مؤبد 

وهتشلوها كلكو

او تخرج انت ومفيش قضايا تتفتح وهوقفلك محامي يعمل استئناف ويقلل الحكم شويه أو براءه وانت وحظك 

تتقفل بسؤال واحد واجابته تبقي واضحه 

- سؤال اي 

- اديت نسخه من الفلاشه لحد 

سكت مردش 

- شكلك حابب السجن 

- وانا اش ضمني أن ...

- لا بلاش السكه دي 

تعالي دوهري انا راجل يلا مش زيك كلامي دوهري 

ها اديت الفلاشه لمين 

ال١٥٠ الف اللي لقوهم ف شقتك قبضتهم تمن الفلاشه ... من ميييين 

- من واحده 

- واحده مين بقي 

- هقولك 

أنا روحت الفيلا بتاعت قمر مره كده حبيت اهددها متنساش الفلوس 

وانا خارج لقيت واحده جت ورايا بسرعه 

وطلبت نمرة تليفوني وقالتلي عاوزاك ف مصلحه كويسه جدا 

ف اديتهولها 

وتاني يوم روحت قابلتها لما اتصلت بيا وحددت معايا معاد 

قعدت معايا وطلبت تسمع الحكايه واللي حصل واللي دار 

سألتها مصلحتك اي قالتلي أن قمر اخدته منها وبتاع وهي عاوزه تنتقم وتخليهم ينفصلو بأي شكل 

ف انا حكتلها الحكايه كلها 

فطلبت مني الفلاشه مقابل ١٥٠ الف 

قولتلها لا يفتح الله 

قالتلي فكره جهنميه وهي اني ابيع السي دي مرتين 

مره ليك ومره ليها بس هيا الاول 

وبكده ابقي طالع بمبلغ كويس منها ومنك 

ف انا وافقت الصراحه 

وف اليوم اللي جبت الفيديوهات 

روحت قابلتها وطلبت مني اعمل تسجيل بصوتي لجوز قمر اشرحله فيه كل حاجه بكلمات تستفزه وكده وانها ف الأول كانت ماشيه معايا 

وأنكو قرطسطوه واجيب سيرتك واسخنه عليك

وفعلا عملت اللي قالتلي عليه وسلمتلي الفلوس 

وخلتني اروح الشركه ابعتله بنفسي الفلاشه والتسجيل ف ظرف علي مكتبه 

وطلبت مني اختفي 

روحت الشنطه 

بعدها جيت قابلتك ومسافة مروحنا 

كنت هاخد شنطة الفلوس التانيه وامشي 

البوليس كان طب عليا 

وسلمتني تسليم أهالي 

عمرو قاعد بيسمع بتمعن شديد وتوقع خلاص مين ممكن يبقي عمل كده 

قفل الكلام مع مصطفي بأنه عند وعده معاه وهيحاول يخفف عنه الحكم 

ويوكله محامي يساعده 

طبعا الكلام ده كله كان متسجل

مشي بيه وهو بيحاول يوصل لمصري 

لكن بردو مفيش فايده 

كل محاولاته فشلت 

لحد يوم الفرح 

الساعه كانت حوالي واحده الضهر 

عمرو عرف أن مصري ف فندق ..... اللي هيكون في الفرح 

وهيجهز هناك وبعدين هيروح يجيبها 

اخد بعضه وراح علي هناك 

وقبل ما يروح اتصل بخالته وعرف أنها هناك واترجها تستناه بره عند بوابة الفندق عشان تدخلو 

لان الأمن ممكن ميرضوش 

او يبلغوه أن في حد عاوزه تحت 

وهو مش عاوز ده 

واترجاها أنه عاوز يقابله

وخالته وافقت وطلبت منه يحاول يمنعه من الجوازه دي لانها مش راضيه تماما عنها

قالت ..

هي بنت اختي وكل حاجه بس مش لدرجة مرات ابني 

الحقو يابني ورجعلو عقلو بأي شكل 

احسن انا خلاااص عقلي هيشط وشويه وهأجر ناس يا يخطفوه يا يبوظولوه الفرح 

ف اتصرف 

- متقلقيش يا خالتو انا ف الطريق خليكي معاه بس عطليه علي ما اجي

- ماشي باي 

- مع السلامه 

كان عمرو ف الطريق لهناك 

وصل فعلا الفندق ولقاها بره زي ما اتفقو 

اخد بعضه وطلع علي اوضته 

بعد ما خالتو طمنته أن محدش معاه جوه 

وقفت هي قدام الباب وعمرو دخل حتي من غير ما يخبط 

ملقهوش 

بس سمع صوت ميه ف عرف أنه بياخد دوش 

فضل قاعد مستنيه بره 

خرج مصري 

واول ما شافه اتعفرت وفضل يزعق ...

انت اي اللي جابك هنا يا حيوان وازاي تدخل كده 

- مصري انا جايلك عشان تسمعني 

- بقووووولك اييييه اتفضل بره عشان انا لحد دلوقتي لسه محترم ومشوفتش الوش التاني 

- اسمع بس وافهم واعمل اللي انت عاوزه 

- انت بجح اوي يا اخي 

انا مش متخيل ازاي انا وانت كنا فيوم من الايام اقرب اتنين لبعض اكتر من الاخوات 

بس انا اللي استاهل 

اتفضل بره براااااا 

صوته كان عالي جدا 

مشي عمرو ناحيته كأنه خارج 

وفاجأه مسكه وراح رازعه بونيه ف وشه طيرته ع الأرض 

وعمرو قلب تمام 

وقال بغضب ...

انا مستعد اكتفك هنا 

واسمع الناس بيك معنديش اي مشكله 

اترزي ع الكرسي ده وتسمع 

وبعد كده إن شالله تولع بجاز انت حر 

سااااامع اترزي 

مصري سكت وهو حاطتت ايدو علي بوقه

وفضل مكانه علي الأرض مش مستوعب 

عمرو قال  ...

من ٥ او ٦ سنين ناديه بنت خالتك كنت بكلمها وانت عارف قبل ما تسافر هي امريكا كنا عاملين ازاي وقريبين اد اي لبعض 

لقيتها فيوم بتعيط ومنهاره ومخنوقه فروحتلها علي طول 

وحاولت افهم في اي 

وبعض ضغط ومحاولات ابتدت تحكي 

عن نور مراتي اللي كانت صاحبتها 

وان اختها قمر كانت زمان علي علاقه بمصطفي ده زي اي بنت مراهقه بس كانت محافظه علي نفسها 

مهما كانت فالته شويه بس هي فعلا كانت متربيه 

المهم أن نور اختها شافتها وهي داخله مع كام واحده من الشله البايظه اللي كانو بيحاولو يشدوها ايام ثانوي 

واظن كلنا كان ف حياتنا ناس زي دول 

نور شافتها ماشيه مع مصطفي ده 

فشدتها من وسطهم والنتيجه 

أن شيماء اللي كانت معاها مسكت نور لما شتمتها واتخانقو مع بعض 

طبعا قمر رغم غلطها وموقفها مقدرتش تشوف اختها بتضرب 

ف دافعت عنها 

واتخانقت مع شيماء اللي كانت سماويه وشرشحتلهم ف الشارع 

وحلفت لتنتقم منهم 

قمر اتعدلت بعد الموضوع ده وبقت كويسه جدا 

بس شيماء مسكتتش واستغلت الحيوان مصطفي وغرايزه الدنيئه ف أنه كان عاوزها ومقدرش يطولها وعملو خطه هي وكام بنت وجرجروها ع شقه ومثلو أن زميلتهم تعبانه وبتاع وعشان طيبه قلبها وصلتها مع صحبتها 

وعند البيت البنت عملت نفسها بتفرفر فطلبت منها تطلعها معاها 

فقمر طلعتها 

وطبعا كل ده كان تمثيل 

ف نفس الوقت اتصلت واحده منهم علي نور وقالتلها اختك دلوقتي بيحصل فيها كذا كذا ف عنوان كذا 

فجريت نور من غير ما تفكر ع العنوان 

ودخلت ملقتش حد واتغيبت واتكتفت واتصورت بس متعملش فيها حاجه عشان يضمنوا سوكتها 

كلهم عيال صيع ف قلب بعض 

تخيل انت اخين شداد زي اخواتهم وام بتشتغل ليل نهار العجز نحل وبرها بدري 

والاب متوفي 

وكان في زوجه اخوهم ليال ده انت متعرفش ادد اي قاسو منها وكانت هتفضحهم ازاي 

نور مقدرتش تعمل حاجه كل حاجه راحت وممعهمش حق محامي حتي وولايا ف المنطقه واخواتهم يقتلوهم اهون ما يجيبو حقهم 

الخوف خلي نور تخبي علي اختها وعدي يوم والتاني والموضوع كان بقي ضدهم لو كانت راحت بلغت مكنتش هتوصل لحاجه لأن اتأخرت ف التبليغ فقررت  تستر علي اختها وتعيش كأن مفيش حاجه بالذات لما قمر حاولت تنتحر 

اكيد لاحظت العلامه اللي كانت ف أيدها مسألتش نفسك اي ده 

المهم ليال مرات اخوهم عرفت بالصدفه وحوار طويل كده تفاصيله تخليك متنمش اصلا انك متهدد طول الوقت وتعبان وخايف 

وصلني الكلام فطلبت اقابل نور 

وابتدينا نتصرف ف المصيبه اللي عملتها لهم ليال دي 

والموضوع الحمد لله خلص بعمليه واول ما ارتحنا ف نفس اليوم روحت طلبت ايد نور من اخوها 

رغم معرفتي بكل حاجه عارف ليه 

لاني حبتها لأنها ملهاش ذنب ولأنها لو اختي كنت سترت عليها 

ولأن في بنات كتير اوي وسخه قبل الجواز وماشيه مع ده وده 

وتيجي تتجوزها تلاقيها تمام 

طب هو ده مقياس 

واظن انت عارف ده كويس 

قبولي ده مش معناه ضعف ولا عجز مني 

انا عاذرك اننا خبينا عليك 

بس افتكر أن مراتي انا شوفت معاها اجمل سنين عمري 

اكيد مش وسخه وبتمثل ومراتك نفسك الكلام 

انت عمرك كنت تحلم تتجوز واحده زيها اعتبرها اختك يا اخي كنت هتفضحها ولا هتسترها وتاخد حقها 

بس هيا مش اختك هي مراتك اللي انت فضحتها قدام الخلق 

عارف مين الوسخه اللي بجد يا مصري 

عارف 

رد مصري بألم وهو مزهول من اللي سمعه ...

مين 

- اللي انت هتكتب كتابك عليها انهارده اللي انت عارف كل تاريخها 

قريبتنا العقربه اللي كانت حطه مراقبه ف بينك ف الخدامين اللي كانت بتفرح أن مراتك بتتخانق معاك 

اللي كان نفسها ف خراب بيتك وهي نفس الشخص اللي راح واتفق مع مصطفي بعد ما ظهر واستغل مراتك 

هي راحت اتفقت معاه وخليته يبعتلك بنفسه الحاجات اللي وصلتلك عشان ميبانش أنها ف الموضوع 

خربت بيتك 

بنت البنوت مش ده اللي انت عاوزه 

بس أنا عاوز افهمك حاجه 

مراتك اخت مراتي يعني لحمي وانت اخويا يعني لحمي بردو 

خالتك اتصلت بيا تكدني عشان هيا عارفه انها عندي ف البيت 

بعد ما انت طردتها ورامتها ف الشارع وهدومها مقطعه 

وراحت المستشفي 

- مستشفي !!! ليبيه 

- خايف عليها اوي

هه

- 

انت بني ادم بجد مش عارف اقولك اي 

عموما انا دلوقتي بريت زمتي منك 

وده سي دي فيه تسجيل لمصطفي بيوضح فيه كل حاجه 

احسن تفتكر اني بكدب ولو عاوز اروح لماهي اسمعك بنفسك معنديش مشكله 

مبروك يا اخويا 

مش علي فرحك علي ابنك اللي جاي 

- ابني !!!

- اه مراتك .. قصدي اللي كانت مراتك حامل ف شهر ونص 

ونور عاوزاني نشوف حل ونسقط البيبي 

قولت اقولك يمكن يهمك الموضوع 

انا ماشي وانت حر ف حياتك 

سلام 

خرج عمرو 

ومصري فضل مكانه ولاول مره يبكي بحرقه 

دخلت أمه بعد ماخرج عمرو لقته ف الحاله دي

نزلت حضتنه 

وفضلت تطبطب عليه ...

بس يابني بس اهدي 

- دبحتها بأيدي يا ماما 

انا مكنتش فاهم 

غضبي عماني دمرت نفسي ودمرت بيتي 

- مفيش حاجه حصلت يا حبيبي 

قوم قوم ومتقعدش كده روح لمراتك روح رجعها وسامحها يابني ايا كان اللي حصل 

دي بنت اصول وماضيها كان مقدر ومكتوب يابني وخلاص ربنا عفو ستار 

قوم يا حبيبي 

قوم 

مسح دموعه وقام لبس 

بس مراحش علي ماهي 

جري علي مراته 

وهو بيركب العربيه واحد من قرايب ماهي شافه طالع يجري 

اتصل قالها 

اتعصب اوي وقالت ...

رايح فين يعني 

- مش عارف 

بس عمرو لسه نازل من عنده 

- عمرو !! يا ولاد ....

الحقو بسرعه وشوفه رايح فين 

انا جايه حالا

رمت التليفون ع الأرض 

وجريت باللي كانت لابساه ومكياجها وشعرها 

الام ...

راحه فين يابت بتجري كده ليه 

- وسعي يا ماما من وشي 

مسافة السكه كان وصل

عمرو البيت 

وقبل ما يطمن حتي نور بأي كلمه 

كان الباب بيخبط 

فتح عمرو الباب لقاه مصري 

داخل ملهوف ...

هي فين 

نور ...

انت اي اللي جابك 

اتفضل من هنا 

عمرو ...

نور اهدي 

- اهدي اي يا عمرو انت عايزها تموت 

مصري ...

انا اسف قدري موقفي 

اي حد مكاني كان هيعمل كده 

انا اه عيشت طول حياتي بره بس انا راجل وبغير علي أهل بيتي 

وده كان موضوع حساس 

بس انا بحبها اوي 

وعمرو فهمني كل حاجه 

انا مسامح هسمع منها كل حاجه 

نور ..

كان ماضي وادفن ليه فتحته 

- انا مفتحتوش والله انا عمري ماكان قصدي خراب بيتي 

ساعديني أرجعها انا فعلا بموت 

- عشان كده رحت تتجوز صح 

- خلاص عشان خطري 

- معتقدش أنها هتسامحك 

دي ممكن تنهار وتصوط وتقع مني و ...

فاجأه لقت اللي خارجه تجري ...

مصرييييي 

وجريت علي حضنه وهو حضنها جامد اوي 

عمرو ...

يادي الكسفه اللي انت فيها يا حازم حازم 

- وانا اللي عماله بقول 

الله يحرقك مفيش كرامه خالص كده 

قمر ...

كده تعمل فيا كده يا مصري انا زعلانه منك اوي 

نور ...

بعد اي ياختي اتنيلي

مصري ...

انا اسف اسف اوي قدري موقفي 

- انا مقدره انا فكرت كتير اوي أنا كان لازم اقولك من زمان بس خوفي كان دائما بيمنعني 

- انسي اوعدك هنسيكي كل ده مفيش حاجه هتوجعك تاني ابدا طول مانا موجود 

انا اسفه 

وباس راسها وحاضنها 

نور ...

تحب تخش تريح شويه حضرتك ولا اي 

عمرو مسكها من بوقها 

نور ... 

اوعي وانا اللي كنت فاكره هنتخانق ونزعق وهحوش لا لا لا 

تعالو نعيد من الاول 

مصري ...

لاااااا انا هاخدها واسافر 

قمر ...

علي فين 

- شهر العسل من اول وجديد 

كلنا مع بعض 

عمرو ...

بدأنها فعلا سوا وهتختم سوا 

فاجأه دخلت ماهي ...

الله الله 

بقي سايبني وجاي تجري وراها من تاني يا واطي يا دلدول 

والله ما هسيبك يا مصري 

مصري ساب قمر 

وقدم ناحيتها 

ورزعها حتت قلم توالها 

ومسكها من شعرها جامد 

بس عمرو حاشه 

لانه فعلا كان هيموتها 

أمها كانت وراها جري هي والبنات بتوع الفرح 

معرفتش تفتح بوقها بربع كلمه 

مصري قال .. 

اتفو عليكو وعلي القرايب اللي زيكو 

قسما بالله لو شوفتك انتي ولا بنتك ف بيتنا لهولع فيكي انتي وهيا ومش هيهمني سامعهههه 

خدي بنتك وغوري بدل مهحبسهالك باللي عملته 

وهخليهالك تتزف ف عربيه اداب 

روحي جوزيها لاي واحد يقبل بواحده شرف بالاسم بس 

يلااااا 

اخدت بنتها ونزلت عليها ضربه الدم بعد ما فضيحتها بقت فضيحه 

وهما اخدو بعضهم وسافرو يبدأو حياتهم من جديد مع بعض ونقطه ومن اول السطر 

الخلاصه أن في ناس كتير اوي زي ليال مبتصدق تمسك زلل وتظبطها حسب مصلحتها وخاينه مبيطمرش فيها 

وكام واحد زي بلحه حلال حرام مش فارقه وكام بنت زي شيماء زباله ومن نوع الصاحب ساحب وكام شاب زي مصطفي كل همه يلعب ببنات الناس وياخد مزاجه وبس ميعرفش يحب ولا بيحس اصلا كام حد زي رضا عايشه بالطريقه دي وماهي وامها اللي بيتمنو خراب البيت ورامين ودانهم ف كل حاجه والغل مالي قلوبهم رغم أنهم قرايب 

بس بردو في كام حد زي نور اخت تحب اختها وام زي أمهم تنحت ف الصخر عشان تربيهم وكام صحبه زي تسنيم وناديه صحاب بجد وفي كام شاب جدع وراجل زي عمرو ومصري راجل بيعرف يحب بجد 

وقمر في كام بنت زيها ليها ماضي وعدت بفتره مراهقه زينا كلنا بس المهم نطلع منها ازاي بسمعه وحشه وشرف بالاسم بس ونمشي مع كل واحد شويه ويبقي لينا ماضي وحش نخاف يظهر لما يبقي ف حياتنا بني ادم كويس 

ولا نعيش محترمين ونحرك ميولنا صح من غير مانجرح اهلنا او سمعتنا ونمرمط ناس معانا ونأذي نفسنا 

خلو بالكو مش اي حد يقول بحبك يبقي بيحب في كتير زي مصطفي 

حبو اللي زي عمرو ومصري دخل من الباب لما فعلا حب 

واياكو تسمحو ف يوم من الايام انك تعملي غلطات تتعد عليكي وتبقي في يوم من الايام ام او زوجه لها ماضي 

تمت بحمد الله اتمني تكون عجبتكم  ويارب يحفظ بناتكم وكل سنه وانتو بألف خير واشوفكو علي خير يارب بحبكم جدا 

اختكم مي علي